भावस्पर्शी

 शहर म्हणजे सुख सुविधांचा स्वर्ग, गाव म्हणजे हिरवा निसर्ग. शहर म्हणजे प्रदूषणाची दरवळ, गाव म्हणजे माणूसकीची हिरवळ. शहर म्हणजे दूषित माती, गाव म्हणजे जपलेली नाती. शहर म्हणजे बंद दारं, गाव म्हणजे मोकळं सारं. शहर म्हणजे गाड्यांचा धूर, गाव म्हणजे कोकिळेचा सुर. शहर म्हणजे इमारतींचा थवा, गाव म्हणजे मोकळी हवा. शहर म्हणजे तोडलेलं झाड, गाव म्हणजे नारळाचा उंच माड. शहर म्हणजे गर्दी अफाट, गाव म्हणजे पक्ष्यांचा किलबिलाट. शहर म्हणजे डांबरीकरण, गाव म्हणजे स्वच्छ पाण्याचं धरण. शहर म्हणजे दुसर्‍यांचे भाडेकरी, गाव म्हणजे स्वतः शेतकरी. शहर म्हणजे औद्योगिकीकरणाची बोंब, गाव म्हणजे मातीत उगवलेला नाजूक कोंब. शहर म्हणजे पावसाला नकार, गाव म्हणजे पावसाचे उपकार. शहर म्हणजे सोडलेल्या गायी, गाव म्हणजे पाळलेल्या गायी. शहर म्हणजे डिझाईनची दारं, गाव म्हणजे सारवलेली घरं. शहर म्हणजे भाजी-पुरी, गाव म्हणजे बेसन-भाकरी. शहर म्हणजे पैसा कमवणं, गाव म्हणजे समाधानाचं जगणं. शहर म्हणजे संपत्ती, गाव म्हणजे समृद्धी. थोडक्यात... शहर म्हणजे सुख, गाव म्हणजे समाधान.                   ...