"स्त्री-शिक्षणाचा मुलमंत्र"

 "स्त्री शिक्षणाचा मुलमंत्र,

पसरु द्या सर्वत्र"

जर घडवी ती दुनियेला

मग का घडवू नये आपण तिला?

विचार करून या गोष्टीचा,

मुलमंत्र जाणा "स्त्री-शिक्षणाचा".

लढे ती स्वाभिमानाने,

कार्य करी आनंदाने,

म्हणून म्हणे सावित्री

नारी घडवा शिक्षणाने.

जर नाते जपते ती मनापासून

मग का दूर ठेवावे तिला यशा-पासून,

विचार करून या गोष्टीचा

मुलमंत्र जाणा "स्त्री-शिक्षणाचा".

सामना करून अन्यायाचा,

चालवी गाडा संसाराचा,

म्हणून म्हणे ज्योतिबा

हक्क द्या तिला शिक्षणाचा.

म्हणे दुनिया साक्षर स्त्री

प्रगत समाज घडविते!

मग या नारीला साक्षर करण्यात

दुनियाच का अडवते?

दु:ख जाणून नारी-जातीचे,

मार्ग करा खुले ज्ञानाचे,

जीवन देऊन मानाचे,

महत्त्व जाणा "स्त्री-शिक्षणाचे".

                                                                                                    -अंकिता घुगे.