😥हरवली पाखरे!😥

 ज्या लहानग्यांना अजून श्वास घेणे ही नीट आले नव्हते,

त्यांचाच श्वास हिरावून घेताना देवाला काहीच वाटले नव्हते?

ज्या चिमुकल्यांनी हाताची मुठ ही उघडली नव्हती अजून,

त्यांचे इतक्या लवकरच गेले डोळे मिटून!

ज्या नवजात बालकांनी अजून आयुष्याची सुरुवात ही केली नव्हती,

त्यांचेच आयुष्य हिरावून घ्यायला देवाला काय बरं एवढी घाई झाली होती?

त्या आई-वडीलांनी आपल्या चिमुकल्यांसाठी कितीतरी स्वप्नं बघितली असतील,

परंतु, त्या ICU मध्ये लागलेल्या आगीत त्यांना आपली सर्व स्वप्नं राख होताना दिसत असतील.

हे देवा..., आता फक्त एवढंच काम कर, 

त्यांचे प्राण तर घेऊन गेलास, पण त्या चिमुकल्यांच्या आत्म्यांना शांती मात्र प्रदान कर.

                                     -अंकिता घुगे.

.