🚩रयतेचा राजा- शिवाजी🚩ं

" जातीने मराठा नसले, म्हणून काय झाले

मुलगी तर मराठीच आहे ना,

आणि शिवाजी महाराज जरी मराठा असले

पण लढले तर ते संपूर्ण स्वराज्यासाठी च ना."

"खूप अभिमान वाटतो ना

शिवरायांचं नुसतं नाव सुद्धा काढताना,

मग त्या माता जिजाऊला किती धन्य वाटत असेल

डोळ्यात स्वराज्याचं स्वप्न घेऊन शिवबाला जन्म देताना."

"स्वराज्याच्या लढाईत शिवराय एकटे नव्हते

त्यांच्या सोबत होते त्यांचे काही साथी आगळे-वेगळे

ज्यांनी शिवरायां सोबत स्वराज्याची शपथ घेतली

असे शूर आणि पराक्रमी होते ते मावळे."

"जेव्हा जेव्हा पृथ्वीवर अन्याय वाढतो

तेव्हा म्हणे ईश्वर स्वतः अवतार घेतो,

हे खरं की खोटं माहीत नाही, पण

मात्र शिवरायांमध्ये आम्ही आजही आमचा ईश्वरच पाहतो."

"शत्रुकडे जरी अफाट शक्ती होती

पण शिवराय मात्र युक्तिने च लढले,

आणि त्यांच्या या बुद्धी-चातुर्या मुळेच तर

आदिलशहा सारख्या बादशहाचे ही भान हरले."

"शिवरायांनी फक्त किल्ले च नाही,तर

लोकांची मने आणि प्रेमही जिंकले,

म्हणूनच तर त्यांना "रयतेचा राजा" म्हणतात

कारण ते फक्त स्वतः साठीच नाही तर रयतेसाठी लढले."

"गड-किल्ल्यांवर फडकत राहणारा तो भगवा

जणू रयतेच्या स्वराज्याची एक निशाणी,

आणि कितीही संकटे आली तरी भय नसे शिवरायांना

कारण पाठीशी उभी होती साक्षात ती आई भवानी

कारण पाठीशी उभी होती साक्षात ती आई भवानी."

🚩"जय भवानी, जय शिवाजी"🚩

-अंकिता घुगे.

भावस्पर्शी